香港針對武漢肺炎防疫工作，一直被批評做得較澳門差，更將矛頭直指特首林鄭月娥領導失誤，但她昨日被問到有關問題，竟然叫記者不要拿澳門與香港比較，將原本要問責問題，變成與她完全無關。有熟悉林鄭的政界中人指，這是林鄭慣技，「小小功就誇大好多倍，一發現出事，唔係卸就係扮唔關佢事」，而林鄭這種作風，當面對危機時候，不單令不滿她的人更憤怒，甚至連支持者也對她失去信心。
該政界人士與林鄭算是識於微時，隨林鄭高升，兩人也不時有交手，他對季陶笑言，林鄭一向領功、爭表現從來「不甘後人」，「佢睇到有功、可以有掌聲，一定第一時間出嚟領功，仲會將佢做咗幾多嘢誇大好多倍，等上級、市民覺得佢好勁」，但當事件對她不利、又或碰了釘，「佢就扮到成件事唔關佢事」。
他以當年林鄭做發展局局長，誓言全面取締新界丁屋僭建為例，當年林鄭以為可立功爭取民望，「起晒鑼鼓話嚴厲執法取締僭建村屋，仲講到正式宣戰」，但當她知道不能得罪原居民，即「縮埋」不再講，他記得林鄭升任政務司司長後，曾在電台節目中為嚴打僭建被追數，「佢好嘢呀，話發展局屬財政司司長之下，佢對丁屋僭建跟進工作唔係完全好掌握，就咁卸咗隻鑊畀曾俊華」。
面對抗疫之戰，該政界人士指林鄭只是故技重施，「搞唔掂、俾人鬧就唔講、唔提、話冇得比較，卸咗隻鑊算，而唔係去面對問題」，但林鄭不知這種態度令建制也越來越多人對她失去信心，「好多建制派已覺林鄭係佢哋大包袱，想盡快甩咗佢」。
季陶
周一、三、五刊出