最近特首林鄭月娥同班官出席活動，佢哋有冇戴口罩必定係傳媒關注焦點。今次就唔關有冇戴口罩事，網上噚日瘋傳一張食物及衞生局局長陳肇始嘅舊相，但焦點唔係口罩，而係佢件衫上嘅圖案，竟然同冠狀病毒九成九似。有網民揶揄話，成個政府都已經係「官狀病毒」，唔使着埋上身都知喇！有網店仲抽水推銷洗衣粉，話要「遠離『官』狀病毒，洗衫都要抗菌」。