【爆片爆相】鄭伊健和太太蒙嘉慧被《蘋果》讀者金先生透過「爆片爆相」，分享二人日前情人節晚上，偕男友人到跑馬地的雲吞麵舖醫肚。當晚約9時，伊健和蒙嘉慧與男友人現身雲吞麵舖，三人坐低後，蒙嘉慧除下口罩並放入信封內，並對男友人說：「食唔食炸嘢呀？」繼而對侍應說：「Hello，好耐冇見。」侍應說：「係呀！好耐冇見。」男友人即說：「上個禮拜我哋先嚟過。」蒙嘉慧笑笑口說：「你哋掉低我去食嘢！」
金先生接受訪問時指，蒙嘉慧戴着口罩進入麵舖後才除下，但兩位男士由頭到尾也沒戴口罩，他說：「蒙嘉慧除低口罩後，即刻拎枱面盒紙巾用嚟抹嘴，伊健同店員講：『想買都買唔到，冇口罩、冇紙巾，不過我哋揸車嚟，唔怕。』蒙嘉慧點咗炸醬麵，仲問伊健食唔食，伊健搖頭，佢哋大約食咗15分鐘，好快就埋單走。」
採訪︰葉綠悠