2007年亞姐冠軍張珮汶（前名張家瑩）去年為圈外老公何駿杰誕下囡囡Alexa，囡囡轉眼已一歲。張家瑩前晚在社交網貼出與B女慶祝的生日相，相中Alexa穿上公主裙，外婆也有份出席，還給乖孫女送上大利是，三代同堂好溫馨。張家瑩昨日接受《蘋果》電話訪問時說：「我本來一早同囡囡安排好開生日會，𠵱家見疫情咁樣，為家人朋友健康都係取消，不過正日都想慶祝吓，一星期前決定屋企搞小型生日會，立即訂氣球蛋糕做準備，老公都有幫手。」
張家瑩於2014年跟家人斥資7位數字在銅鑼灣搞食肆，她近日專心湊女，未見她在社交網分享兩間餐廳的資訊，她無奈說：「兩間餐廳舊年11月咁啱租約期完，我見冇時間打理都執咗佢，湊女咪終生職業。」
採訪：陳杰