陸浩明、李施嬅與海俊傑昨日到將軍澳錄影節目，陸浩明日前在另一節目《後生仔傾吓偈》中，談及2003年沙士疫情時，誤指「香港係病毒源頭」遭網民鬧爆，而通訊事務管理局回覆本報查詢時表示，截至昨日接獲600多宗投訴，昨日陸浩明再次為此事公開道歉，聲淚俱下表示︰「我想借呢個機會，向各位朋友同觀眾，就我在節目講錯『香港係沙士病毒源頭』致歉，當日我做節目係有疏忽講錯資訊，又糾正得唔清晰，引起大家誤會。我喺節目中想講香港係SARS大型爆發嘅地點，但自己有口誤講錯咗，令大家唔開心，我向大家深深致歉講對唔住。」被問到心情如何？他落淚說︰「兩晚都瞓唔到，我最唔開心，唔係人哋點批評我，而係令屋企人擔心同唔開心。」
另外，李施嬅談到陳山聰日前宣佈太太有喜時表示，在上個月頒獎禮時已經知道，忍得很辛苦，以為陳山聰會說，真是很厲害，更指由《金宵大廈》開始，陳山聰已經說要造人，果然夢想成真。
採訪︰魯吉
