【本報訊】藍籌股陸續公佈業績，滙控（005）及恒生銀行（011）將會率先放榜；不過有分析指出，銀行作為「百業之母」，對經濟下行的影響首當其衝，銀行板塊投資價值欠奉，散戶追入只會賺息蝕價。
銀行板塊跑輸大市，但滙控股息率吸引，以現價計股息率達6.7厘。耀才證券研究部總監植耀輝坦言，銀行股股價低迷，其實已反映武漢肺炎疫情對業務影響，「如果有貨喺手，揸住拎6、7厘息都冇壞嘅，但就預咗係賺息蝕價；呢個板塊係捱打」。
資金寧捧績優股
即使市場預期滙控將公佈策略更新，不過植耀輝認為，「相信都只係節流，冇辦法開源」，難以扭轉市場的悲觀看法。
光大新鴻基財富管理策略師溫傑亦表示，現時市場資金追捧不受武漢肺炎疫情打擊的板塊，以及績優個股，比如物管股板塊等；反觀銀行股不但財富業務銷情受阻，放貸業務亦因經濟下行而直接受衝擊，股價跑輸下才令股息率可觀，「銀行並唔係市場焦點板塊，有貨可以揸住先，但就唔建議投資者因為收息而追入」。