武漢肺炎肆虐，曾偉權身患肺癌，自然要更加小心。家庭醫生關嘉美指出：「呢隻病毒潛伏時間可能超過14日，所以佢除咗要禁足，都唔好畀人探佢。如果佢有外傭，要同外傭講正確健康知識，有啲外傭以為戴咗口罩就冇問題，喺街度隨地坐，玷污咗衣服會帶返屋企。」
關醫生知道曾偉權由契妹照顧，她叮囑說：「照顧佢嘅人喺屋企都應該戴口罩，因為佢唔知自己係唔係冇病徵嘅帶病毒者，如果肺部有病，加上肺炎感染，就會好麻煩。」關醫生又表示：「香港到𠵱家都未封關，唔單止係內地人可以嚟，全世界旅客可以坐飛機嚟，飛機係一個高危運輸工具，因為唔知由外地嚟嘅親朋好友係唔係冇病徵嘅帶病毒者。」