特首林鄭月娥上周公佈250億防疫抗疫基金詳情，而所謂協助民間抗疫措施，原來只是派錢，向商界及基層大灑金錢，不過有關措施未獲好評，連建制陣營也批評力度不足。有政界中人直言，林鄭以派錢回應社會對抗疫訴求，根本是文不對題，只是反映政府完全無法回應民意，「於是求其派嚿錢當做咗嘢」，最終也是想向北京交差，「以免俾上面責難抗疫不力引起民怨」。
該政界中人指，市民一直要求的是全面封關、要求政府於口罩等物資供應上多做點事，「等市民唔使排長龍四圍撲口罩、廁紙」，以及為醫護提供足夠物資，令醫護無後顧之憂，但林鄭只是用派錢方式解決，「買唔到口罩嘅市民，繼續買唔到口罩；冇足夠物資嘅醫護，繼續冇足夠物資，關口繼續唔全封、繼續有大陸人落嚟，咁派嚿錢出嚟有乜用？」
中小企斥杯水車薪
至於津貼給受疫情影響行業，有中小企商會早已批評如杯水車薪，反而變成業主不肯減租的藉口，隨時令更多小商戶陷困境，「業主話你有政府資助，唔肯減租的話，咪死得更快」，該政界中人認為，林鄭所謂百億防疫抗疫措施，「根本就係冇措施，完全顯示政府冇辦法之下，求其派嚿錢當做咗嘢，仲唔係人人有份」，他相信林鄭怕因抗疫不力令民憤上升，到時面對北京問責，「自己又冇計，又要做啲嘢，只好用派錢塞住市民把口，又可以當做咗嘢向北京交差，根本冇心應對香港民情」。
季陶
周一、三、五刊出