【本報訊】中環不少寫字樓採在家工作（Work from home），銀行家及OL在名店食肆排長龍的景象不再，記者在街上找金融人訪問也難。眾多名店中，包括位於中環結志街2號、以全港首創撈丁而闖出名堂的蘭芳園，即使來到午飯時間，仍門可羅雀。另一間知名店勝香園，慘況亦不遑多讓。
蘭芳園老闆林先生表示，現時生意暴跌八至九成，只剩下平日一至兩成生意。惟他不寄望政府可以幫忙，自己正在想折衷方法自救。
勝香園顧客：寧買返公司食
至於同區另一排隊名店勝香園，同樣人流不多，現時walk-in即可入座。惟食客寧願買外賣，亦不願坐在排檔用膳。「出嚟食飯成日都要同人搭枱，除低口罩覺得唔太安全，所以寧願買返公司食。」亦有食客表示，「放工時見到嘅景象仲恐怖，成個中環好似死城咁。連星期五嘅蘭桂芳都係水靜河飛。」
窮則變，變則通。帝京酒店LaScala前行政總廚梁偉灝，在中環己連拿利開設法式私房菜餐廳，同樣受疫情拖累。早前情人節早已訂滿約30、40枱客，一下子全部歸零，損失約40多萬元。其後他決定將餐廳轉型，實行外賣西餐，反應不俗。