「娜娜」十幾歲就入娛樂圈打滾，因為青春貌美好快就得到電影老闆同唱片公司賞識，出唱片、拍電影做女主角，本來發展得幾好，不過之後識咗個富家公子，叠埋心水嫁人做少奶奶。可惜好境不常，老公風流有第三者，搞到家庭破裂，娜娜局住要出返嚟娛樂圈搵食，而幫佢穿針引線嘅「茶茶」，見娜娜仲風韻猶存，直頭包起佢，每月畀生活費之外，仲幫娜娜安排登台騷，等佢可以搵外快。
其實娜娜事業心唔太重，見有人照顧，就唔多想做嘢，所以都消失咗好幾年，可能生活太安逸，娜娜越變越大媽feel，身材同樣貌走晒樣，上年終於連米飯班主茶茶都嚇走埋，惟有由私人屋苑搬去商廈住，慳住使錢。不過娜娜都驚自己坐食山崩，所以積極瘦身，總算成功回春，仲搵番之前識嘅製作人同圈中朋友