荷甲班霸阿積士禮拜四喺官網宣佈，下月將27歲嘅摩洛哥中場薛耶治會以高達4,000萬歐元（約3.3億港元），喺今夏7月1日轉投英超勁旅車路士，加上其他條款轉會費可高達4,400萬歐元，隨後藍戰士亦喺官網證實相關消息。就轉會禁令上訴成功嘅車仔，喺冬季轉會窗冇任何動作，所以薛耶治除咗成為車仔夏天轉會窗嘅首名新兵外，亦係林柏特執教藍軍以嚟嘅首簽。