伍詠薇（伍姑娘）日前為主持ViuTV綜藝節目《埋嚟睇埋來玩》，跟節目拍檔、新人朱晉傑、曾贊學、王頌茵和余逸思開會，大家都乖乖戴上口罩，當在影樓拍宣傳照時才「脫罩」。
伍姑娘昨日接受《蘋果》電話訪問，自爆大玩新人：「嗰日開會，ViuTV高層話班小朋友好驚我，我兇佢哋、恐嚇佢哋先開心，我突然喺會上叫佢哋四個主持逐個企起身，問佢哋叫乜名？幾多歲？又玩佢哋我唔記得要再講過，佢哋嚇死咗，我事前只係同副導演同ViuTV高層講咗，叫佢哋要忍住笑，唔好出聲，我係咁喝四個細路，佢哋都信我咁惡嘅，事後知道都拍晒手，我同佢哋講返我好玩得㗎！」伍姑娘表示首次做綜藝主持，還是直播形式，大感挑戰。
採訪：陳杰