利物浦翼鋒穆罕默德沙拿近日入選埃及奧運足球隊50人初選名單，意味住佢極可能會參加東京奧運。不過，東奧男足決賽周喺7月22日開始至到8月8號結束，其中決賽日就同下季英超開鑼日撞期，如果沙拿為國出征，好可能要缺席紅軍嘅季前訓練，甚至係開鑼戰。埃及奧運足球隊教練就話：「我哋唔會逼佢參加，一切由佢本人決定，最終名單會喺六月時遞交。」