去年底中環士丹頓街及卑利街交界出現了一幅壁畫，是英國知名樂團Coldplay新專輯《Everyday Life》的宣傳作，由本地90後藝術家何博欣（Vivian Ho）創作，畫作上樂團四位成員與另外三位蒙面樂手一起演出，三位無名樂手戴上小丑面具、眼罩、頭盔和防毒面罩「豬嘴」。「《Everyday Life》呢首歌上年啱啱推出時，都有好多人留言話，『嘩！係咪講緊香港呀？』香港人嘅日常生活就係變咗抗爭。」Vivian道出這令人無奈的事實。
記者：陳詠恩
攝影：謝榮耀
融入畫作與港人同在
何博欣形容蘇豪區這兩條街平日甚少人上來，即使去年11月中西區有警察用催淚彈驅趕和平示威的「和你Lunch」打工仔，這裏的遊客、鬼佬依然好chill好自在，山腰、山腳猶如平行時空。
'Cause everyone hurts
Everyone cries
Everyone tells each other all kinds of lies
Everyone falls
Everybody dreams and doubts
Got to keep dancing when the lights go out'
每個人都受傷、哭泣、跌倒、發夢與懷疑，這幾句Coldplay新碟主打歌《Everyday Life》歌詞的確夭心夭肺仿似香港人反送中運動的寫照，Vivian將抗爭物件寄託在畫作上，眼罩代表有示威者和記者被警方布袋彈中失去眼睛及受傷，頭盔是人們保護自己的裝備，小丑面具則為回應《小丑》電影，「因為套電影好反社會，又有被壓榨嘅人嘅感覺，好多人話《小丑》套戲同香港情況好似，睇完我想將小丑嘅精神同戴面具嘅精神擺入畫」。
整幅畫作來自一幅百多年前的古董照片，那是一隊婚禮上表演的樂團，而Coldplay就把自己與老照片合成，成為當中四人。Vivian認為把結婚樂團與苦難的議題及抗爭者外貌結合，一樂一哀，反差很大。而畫作以黑白色為主調，象徵黑白是良知。
去年底Coldplay對外宣佈，暫時不再舉行世界巡迴演唱會，因為當中的碳足迹太多，會破壞環境，其實今次整張專輯亦一如以往關心社會議題，當中包括難民、政治壓迫、槍械管制、人權、不公義等，關心貧窮國家。
「尤其係主打歌《Everyday Life》，首歌上年啱啱推出時，都有好多人留言話，『嘩！係咪講緊香港呀？』其實Coldplay講嘅嘢好世界性，香港人以為呢啲係好唔貼身嘅嘢，今次就喺晒我哋身上出現，everyday life我解作『生活日常』，我哋嘅生活日常就係要面對不公義、催淚彈、要去接受一啲濫暴，擺到明係唔啱嘅嘢！」以往港人以安全距離觀看這些事情，如今無法抽身，成為主角，遭受警暴與人權被剝削，她希望透過為專輯創作宣傳壁畫，讓Coldplay與香港人站在同一陣線，「好似我哋都喺大時代氛圍入面，對於動盪做回應，表明自己嘅立場」。
商家靠邊站香港情懷不再
Vivian談起少年時代的偶像Coldpaly，雙眼發光，她形容與天團隔空合作，感到不可思議，不過最觸動到她的還是歌詞，「What in the world are we going to do？」她生氣道：「我哋已經知道咁多問題，知道咩係啱，咩係唔啱，但究竟呢個世界上，仲有咩方法可對抗不公義事件呢？呢句好有無力感。」她在自己的facebook寫道：「當我們的everyday life已經被不公義與恐懼佔領時；當我們覺得理所當然的良知／法治精神／對年輕人的愛護都被一一推翻時；當催淚彈／濫捕／濫暴／白色恐怖／歪理變成生活日常時，“What in the world are we going to do？”」
難得唱片公司將壁畫草稿交予Coldplay及唱片公司華納亦成功過關，「華納嘅支持度好高，佢哋都有同Coldplay溝通，都知嗰邊支持度高，空間好大，所以都幾驚喜」。創作還有後續，Vivian完成畫作次日，將黑色立體口罩貼在畫中七人的臉上，令Coldplay成員好似與香港人同一陣線，雖然第二日黑口罩就被消失，不過她已立此存照。
Vivian在2012年從美國主修油畫和經濟畢業後回港，當年開始畫遍香港的庶民風光和大街小巷而為人認識，去年還出版了《香港失物認領處──100個城市印記to be found》一書，以魔幻而美麗的筆觸繪畫旺角金魚街、油麻地廟街、彩虹邨等地道去處。近年廣告商紛紛大賣香港情懷去到幾乎氾濫的程度，Vivian畫作大受歡迎，可算是廣告商新寵兒，港鐵、五星級酒店、大型郵輪都找她合作，設計乘車票、月餅包裝和郵輪船身等。然而反送中運動期間，商家紛紛歸邊向中共表忠，所謂香港情懷馬上變得虛無，她對此不置可否，「可能佢哋眼中嘅香港情懷，同我哋眼中嘅香港情懷唔同啫，可能佢哋真係覺得我哋破壞佢眼中嘅香港」。
慶幸藝術創作仍自由
回看Vivian過往的作品，其實政治表態一直都存在，雨傘運動時一幅《Ideas Are Bulletproof》，引用電影《V煞》名句，高呼理念不死，到2016年魚蛋革命後更是創作高峯期，針對洗腦教育、平反六四、言論自由等創作，亦為教育制度下，學生墮樓自殺潮表達痛心，2018年其以一幅僅售一種五星紅色汽水的汽水機，諷刺政府DQ議員，反而去年反送中運動滿城沸騰，其facebook反而冷清，只刊登了《還眼》及Coldplay專輯的壁牆。
她記得去年在facebook上載《還眼》畫作，有網民留言兼tag朋友說「佢終於出聲啦」，意謂Vivian對運動沉默良久，她承認自己少在社交媒體上發表反送中畫作，「可能我已用咗好多心力去沮喪、喺屋企喊、搵朋友鬧，好多人叫我畫啲嘢時，我見到好多文宣嘅手足已經好勁，已經畀佢哋畫晒」，她說「自己真係老咗，比起幾年前冇咁有火」。
相對的安靜，記者問她是否擔心影響商業提案收入，她猶豫了兩秒說：「做商業作品，有冇考量或掣肘，一定有考量，但我有另一個抒發途徑，就係我嘅藝術創作，我係藝術創作上有絕對自由，我都幾幸運同感恩。」她提起其實去年在巴黎舉行畫展，畫作主題較傾向個人內心表達，其中一張畫是兩個人看似在打羽毛球，但空中的卻是手榴彈，色調亦與過往畫風繽紛活力大相逕庭。
「畫《香港失物認領處》時，覺得香港係我嘅遊樂場，我想話畀人知香港有幾好玩，但𠵱家覺得繽紛活力係我哋嘅年輕人、敢去爭取嘅香港人，但更加多嘅係，呢個城市嘅荒謬，所以我嘅創作唔係再咁理想化、風光明媚嘅感覺」，畫風亦隨其心情而變得沉鬱。她說自己已無法再畫以往那種「好風光」式的香港，一切都回不去了。「我嚟緊3月會有個畫展，我都同畫廊講，唔會再畫返以往嗰種題目，我已無法用同一方式感受呢個城市。」她跟另外幾位藝術家原本與港鐵合作，為馬鐵線多個車站創作裝置藝術品，8.31太子站警方無差別襲擊乘客事件發生後，他們亦向港鐵方面提出擱置，「𠵱家連港鐵都盡量唔想坐，創作係逼唔到，冇感覺就做唔到」。