王敏奕昨日突然在Ig貼出谷胸凸肚性感孕照，更寫上︰「今日又有開心嘅消息話畀大家聽！」原來好消息是她演出的電影《BABY復仇記》上映，就連周柏豪、龔嘉欣等也紛紛留言說被騙。王敏奕在《BABY復仇記》中，與陳靜（Dada）都是飾演腹大便便的媽咪。戴上假肚的王敏奕要上演一場拍孕婦寫真的戲份：「一開頭戴假肚覺得好玩，但戴咗上身後覺得行路好辛苦，着鞋都要工作人員幫手。一到現場化妝就戴，化妝食飯都唔除，到收工真係腰痛膝頭痛，大肚真係好辛苦，明白孕婦點解躁底。」王敏奕又讚導演陸以心善於跟演員溝通：「導演話今次唔想影到好靚，想拍到普通人第一次入studio嗰種喜劇感，有啲事要錯錯哋。」
此外，有一場戲講王敏奕跟Dada及余香凝等看男士艷舞表演，Dada笑說：「我有一年生日，一班女仔朋友請啲脫衣舞男表演，所以冇乜尷尬。」
撰文：余嬌
