76歲資深演員馮素波眼見市民瘋搶口罩，低層和長者無力買天價口罩，她遂跟慈善團體合作，出錢出力籌集了一萬個口罩，今日到公屋送給獨居長者。波姐昨日接受訪問時說：「朋友都多謝我咁做，但冇人願意上樓送，個個都驚，我唔係唔驚，不過得到呢幾位朋友支持，我一定要做到尾，希望各團體發起做，大家共度時艱。」
波姐與朋友夾錢認購了百多盒口罩，她說：「點解炒到咁貴畀奸商賺錢，啲人發啲咁嘅財，如果我哋出啲力，自己有得用，人哋有得用，何樂而不為。我話一班老友記，都好想為社區做啲嘢，私己錢唔係立亂揈，我都要對得住佢哋，𠵱家我聯同朋友正式參與活動，我哋搵錢返嚟買呢批口罩，想對長者有啲表示。因為佢哋冇口罩，唔好講話落街，就算去覆診都需要口罩，令到我有感而發。」
採訪：皓騫