黃心穎在「安心偷食」後形象跌落谷底，沒有男士敢埋身，但大前日RubberBand鼓手泥鯭卻甘願做觀音兵，陪心穎行寵物店被讀者撞破，泥鯭更維護心穎，向《蘋果》自爆去年已跟未婚妻分手。其實去年4月爆出「安心偷食」時，有心穎鄰居爆料，指曾見到有已婚電台主持和畫黑色眼線的band友到訪心穎香閨，當時森美和樂隊Mr.的結他手MJ都變成嫌疑人物，惟「安心戀泥」爆出後，有網民指「電台主持」可能是跟林海峰餅印一樣的泥鯭。
「成日俾人認錯」
由於黃心穎和泥鯭風馬牛不相及，所以「安心戀泥」爆出後全城譁然，網民紛紛剝花生加入討論，有網民就翻舊賬，對當日「電台主持到訪心穎香閨」的新聞提出疑問：「但係泥鯭成日俾人認錯做林狗」、「可能電台主持講緊佢」。
泥鯭和林海峰的確餅印一樣，泥鯭甫出道已被指是「翻版林海峰」，2009年RubberBand在九展開騷，請了林海峰做表演嘉賓，當日林海峰就扮泥鯭以冬菇頭造型登場，兩人同台似足兩兄弟，翌年二人更合作拍攝廣告搵真銀。
去年9月未分手
此外，有《蘋果》讀者在留言爆料，指去年9月泥鯭和未婚妻未分手，「佢同前未婚妻都應該唔係分開咗好耐，舊年9月第一次喺PopCorn唱《願榮光歸香港》，佢兩個都喺現場，仲推埋隻狗嚟。」心穎於去年12月返港，即泥鯭跟未婚妻分手，可能是在心穎返港之後。而心穎跟泥鯭的「朋友」關係好低調，在心穎的Ig中，只有一張兩人於2016年的大合照，泥鯭在相中佔據後面靠邊位置，而心穎就留言：「即興九唔搭八組合。」
撰文：皓騫