加比爾捷西斯為咗爭取曼城正選前鋒位，不惜放棄愛情狠撇巴西模特兒女友姬諾絲。
身材火辣嘅姬諾絲去年夏天同耶穌仔撻着，10月仲搬入對方嘅柴郡大宅共賦同居，不過「耶穌仔」就趁住姬諾絲喺聖誕後返咗巴西祖家探親，單方面宣佈分手，除咗取消追隨對方ig外，仲喺社交網站刪走佢哋嘅合照，而耶穌仔嘅解釋係唔想受到束縛，想專注事業喎！
