無綫娛樂新聞台前主播林子博跟太太Shirley在2003年結婚，婚後先後誕下女兒詠渝和兒子卓楠，去年他們經歷了一次人生的重大考驗，去年4月，Shirley被確診患上極罕見的癌症「平滑肌肉瘤（腹腔）」，同年10月子博又接獲無綫不被續約的通知，兩夫妻共度患難。
子博謂結婚當年正值沙士，他同樣失業，跟現時情況相似，今日情人節，二人談夫妻之道，Shirley說：「唔好嗌咁多交，有時喺對方身上睇到啲唔好嘅嘢，以前我會出聲，但係𠵱家唔會講，可能講咗佢都未必鍾意，不如等啲細路去講。自從有咗呢個病，可能因為容貌外形變咗，覺得自己好核突，又冇頭髮，去唔返以前，自信心真係好低，又擔心老公會嫌棄，女人始終會諗好多嘢，有陣我會同個女講，佢會幫我𥄫住，仲會報寸畀我聽！」子博說：「我有一個幾好方法，就係一嗌交拎舊相出嚟睇，諗返最初心，嗰陣為乜結婚，你就會覺得嗌交啲嘢好細微。」
採訪：唐琛悠
攝影：仇志德
場地提供：Blue Label band room
