武漢肺炎持續，人人戴口罩過日子。今日是情人節，趙式芝將發起「Love Beyond Masks」活動，宣揚同性婚姻平權，希望表達口罩背後不存在人與人之間的歧視，口罩不要阻隔愛與包容。她呼籲大家上載跟同性伴侶、至愛家人的口罩合照，加上hashtag #LoveBeyondMasks #HKMarriageEquality表達愛與關懷的訊息，發放正能量。趙式芝也鮮有地上載跟女友JW的合照，兩人齊齊戴口罩，而王賢誌、鄧達智等都上載與同性伴侶的合照支持。
每日關心對方
昨日趙式芝受訪時說：「呢段日子，人人都留喺屋企，我都好掛住以住無拘無束、人同人之間冇隔膜嘅感覺。大家就算戴住口罩，都希望繼續互相支持，唔好心灰氣餒，正面面對。」她指自己照常返工，女友JW則home office，她說：「我都返公司，唔使兩個人逼埋喺屋企爭資源、爭梳化，哈哈哈，講笑箒！我同佢平時做嘢都好忙，壓力好大，所以好珍惜一齊相處嘅時間，盡量做到每日最少有半小時傾偈，聆聽同分擔對方工作、生活上遇到嘅問題。呢段傾偈時間，通常由晚飯直到深夜，JW瞓着為止啦，係我哋最享受、最快樂嘅時光。」她指兩人之間有共同興趣，也愛天馬行空，有好多唔同嘅意見分享。
趙式芝還謂JW比自己很早開始防疫：「農曆新年時，佢已經四圍去搵口罩同消毒用品，我當時覺得佢過度緊張，佢就認為我『離地』，唔了解今次疫情嚴重性，同埋低估咗如果受感染嘅後遺症。雖然我唔認同，但我明白JW緊張係出於着緊我、愛護我，等我可以專注做嘢。」
聯合國提報告
2018年開始，趙式芝關注同性婚姻平權，上月成為聯合國OutRight Action董事局成員，以後會就亞洲地區性別小眾議題及權利，向聯合國提交報告。她力倡婚姻平權，問到可會再婚？她說：「我覺得要喺香港成功爭取咗婚姻平權先考慮，我結唔結唔重要，不過就算我要結婚，我都會喺香港結。」
採訪：林妙萍