社會運動加上肺炎肆虐，大量賓館陷於「冇客到」的經營危機。有港人找到商機，索性購入賓館轉做時租酒店，大吸本地缺乏私人空間的後生仔生意。這對情侶檔老闆Joe、阿儀指，「喺情人節檔期，炮台山店已全日爆滿」，而未有宣傳的尖沙嘴店亦已半滿。
Joe及阿儀指，明天情人節的檔期，兩店共9間房的預訂排得密密麻麻，截至周三，炮台山店每間房做到4至5轉，尖沙嘴店亦已經半滿。Joe稱疫情肆虐下，香港人減少外出，情侶的私人空間更見缺乏。
生意較反送中前多四成
兩人去年初於炮台山以80萬元頂手一個四房賓館，撞正反送中運動，自由行生意大減，兩人於是在去年中將業務轉型時鐘酒店，生意比反修例風波前反升四成，「香港人冇自由行唔會死。平時都做到3轉客，好多人午飯時間都會嚟，夜晚又做兩輪客。有客人上嚟只係為一個私人空間打機、睇Netflix。」
日租一晚通常收費300至400元，改為時鐘後，收費兩小時200元。Joe與阿儀見經營時鐘酒店有生意，去年尾以低價30多萬元，頂手多一間五房賓館，插旗尖沙嘴，於今年2月初開張。
他指，很多賓館老闆不懂轉型，惟有將賓館劈價出讓，「以前做自由行生意好易，雖然每間房利潤少過時鐘，但成團人咁接，唔使好多時間管理。現時做時鐘酒店，流行無人店模式，要WhatsApp接單、網上宣傳，對上年紀的老闆較吃力。」
現時在處理生意買賣的中介公司網站，有多達80個賓館放盤廣告，中介經紀Raymon指，往年平均每年放盤只有10多個，叫價上百萬元，現時劈價至50多萬元。
Joe指不少賓館頂手後，都轉型為時鐘酒店，出現更多競爭，加上酒店大劈價，故他花大半個月改造本已四正的賓館，「例如添加不同國家的風格，日本風的塔塔米房，呢啲香港好少有。」
記者：孫樂祈