【本報訊】特首林鄭月娥強徵火炭駿洋邨作檢疫中心，準居民李女士的4歲兒子在新學年可能因此面臨「無書讀」，「舊年11月中房署通知派駿洋邨，係人都知搵學校要預早一年時間，我一個星期就幫佢轉咗校」，惟現時上樓遙遙無期，孩子無法每日來回三小時跨區上學，「教育局完全冇幫過手，全部都龜縮」。
李女士租住元朗村屋，輪候公屋長達九年，去年11月中終獲房署通知獲派駿洋邨。「好開心啦，因為可以住近我娘家，方便照顧」，她隨即為讀K2的兒子在新學年轉校，「係人都知小朋友搵學校都要預早一年，但我好好彩，小朋友讀返同一間辦學團體，所以好快轉到沙田區」。
家長轟教局龜縮
不過，政府上周出爾反爾徵用駿洋邨作檢疫中心，李小姐頓感晴天霹靂，「7號都有聽聞，8號朝早先肯定，好徬徨，唔知可以點，房署幾日前仲回覆區議員話2月尾派鎖匙」。她又謂「雖然話駿洋邨距離火車站20分鐘，但之前都有（強制檢疫者）人偷走出嚟。我以前會信政府，但𠵱家唔會再信，之前話唔會用駿洋邨，唔夠10日就反口」。
兒子「無書讀」是李女士面對的最大難題，「舊校話我哋放棄咗學位，後補又唔知要等到幾時」，即其兒子到9月開學需由元朗跨區到沙田讀書，「唔塞車嘅話，來回要成三個鐘，小朋友根本頂唔順」。「係人都知𠵱家學校好難搵，如果最後元朗區搵唔到，咁小朋友冇書讀就留喺屋企，教育局嚟搵我囉」。她不滿政府從無了解受影響人士需要，「其實有好多人都轉晒校、退晒租，冇人畀到答案要等幾耐，教育局完全冇幫過手，全部都龜縮」。
李女士原獲配駿逸樓低座單位，明言駿洋邨一旦用作檢疫中心，決不會入住，「仲要消毒清潔，唔知佢哋會唔會換過啲糞渠，已經覺得反感」，希望政府撤回決定。
■記者張文鈴