王宗堯及林雪等去年在青衣長康邨康美樓實地取景拍網劇《向西聞記》，康美樓前晚驚爆先後有武漢肺炎確診患者，疑是糞渠播毒。王宗堯早前再到康美樓拍攝港台劇《獅子山下》，他對疫情既憂心又激氣：「隔咗咁多層樓，住中間層數啲人點？其他層啲人又點？𠵱家咁多唔同社區爆發，啲人又走甩唔隔離，隱形帶菌者周圍走。我覺得今次有好大機會，好多地方會有社區爆發。」
王宗堯怒斥特首林鄭月娥：「政府嘅做法同林鄭嘅回應真係好差，冇喺經驗中吸收教訓，乜都唔做得但又唔封關。市道靜到黐線，影響晒香港成個經濟。」同劇的林雪則表示：「拍嗰陣記得環境幾好，乾淨，樓上電梯大堂又大又通風，希望病患者快啲好返，疫情早日過去。」日前為醫護送上口罩的杜汶澤也關注康美樓情況，他昨日在fb貼文表示，透過朋友送上1萬個口罩給長康邨長者，更說：「自己香港自己救！」
採訪：葉綠悠