【本報訊】政府日前交代內地入境本港人士的強制檢疫情況，發現九人一度離開指定檢疫地點。港大感染及傳染病中心總監何栢良認為，違反隔離令個案應馬上上法庭檢控，又慨嘆本港就防疫付出很大代價，「緊急立法都唔去執法，我完全睇唔到道理何在」。
何栢良昨接受商台訪問時，談及政府強制檢疫措施及成效。他批評措施原意強制，但實際只靠自律，結果「接受檢疫嘅人走來走去」。他指政府公佈有九名接受強制隔離人士一度離開指定檢疫地點，其中七人尋回，但僅予以警告；另外兩人正通緝。
何栢良認為「仲只係警告了事，我個人覺得完全唔可以接受，亦都令到法律好冇尊嚴」，認為應立即檢控個違反隔離令個案，「如果你放任唔理，只會一錯再錯，向市民傳達一個好錯嘅訊息」。
何又認為疫情嚴重，「我哋每個人都要做啲嘢」，包括注重廁所環境衞生，蓋上廁板沖廁，地下去水渠位置U形隔器每日灌入最少500毫升清水，並應經常用𤩹液和酒精搓手液清潔雙手，外出要戴外科口罩，亦應避免去人多擠迫或者不通風的地方，親戚朋友聚會亦可免則免。