【本報訊】長康邨康美樓爆出疑似沙士淘大E座集體感染翻版，同邨居民人人自危，邨內多間商店及食肆暫停營業，亦有不屬撤離住戶的居民戴上兩個口罩及穿上透明雨衣，執拾細軟往親友家暫避。
位於康美樓正對面的長康二期商場，地下酒樓、萬寧及文具店等昨日均沒有營業，部份商店貼出告示指疫情非常嚴峻，為保障員工及客人健康，從昨日起停業14天，街巿人流疏落，僅得少數菜檔及雜貨店照常營業。
憂喉管滲漏「唔敢開抽氣扇」
康美樓分為A、B兩座，今次僅A座07室住戶需撤離，但B座居民同樣被疫情嚇怕急急撤走。居於B座的伍女士昨午拖篋離開寓所，她與男親友均顯得小心翼翼，戴上兩個口罩及穿上透明雨衣，她聲稱女兒放大假，「想同我哋玩」，遂到珀麗灣女兒家中暫住，待女兒放完假返工，他們才遷回康美樓。
居於康美樓低層05室的住戶李先生，本以為康美樓很安全，直至13樓及3樓先後有人確診，才感覺武漢肺炎的傳染性「有啲似當年淘大一樣，唔講得笑」。他指自己注重衞生，經常用漂白水抹地，但近期物資短缺，家居保護措施難以實行，「因為買唔到漂白水，口罩又買唔到，所以我哋都係無能為力」。他認為政府要對防疫失效負上很大責任，「完全係做唔到應該做嘅防疫措施，連基本市民都知道，最簡單點樣去防疫，去對付源頭，佢（林鄭月娥）都唔做」。
住在B座中層07室的林小姐整晚睡不着覺，其後才知不用隔離，但仍擔心自己成為隱形帶菌者，不知道家中喉管有否滲漏，連抽氣扇都不敢開，「屋企燈掣連住抽氣扇，一撳兩樣開晒，要摸黑掹咗抽氣扇電掣」。她形容整晚最恐怖的是「零資訊」，沒有一個政府部門出來教他們應該如何應對，每件事都要靠居民自救，「唔使撤離，係咪就唔使理我哋？」
■記者李家傑、唐家輝