現年38歲的前港姐葉翠翠，2015年嫁給建築公司副董事周曉東後，分別於2017年及2018年誕下長子Jake及幼子Triton，去年8月再度宣佈有喜。原來第三位公子已經在昨日出世，葉翠翠於facebook報喜，分享了自己和老公、細仔的合照，留言：「人生又再一次踏入另一個階段……在沒有思想準備之下，他來到了這個世界。比預期早了10天已經接近9磅，如果10天後相信會9磅幾。」鼠年囝囝出世，翠翠回顧整個懷孕過程百感交集：「無論自己或周遭都遇到好多波折，希望平平安安。」
意料之外
翠翠接受《蘋果》訪問時表示：「比預期早咗十日，今次第三胎，成個懷孕過程比之前兩次辛苦，醫生都話年紀大咗，又要湊住兩個小朋友，陣痛都比之前兩胎強烈好多。」不過翠翠今次不是自然分娩，由醫生開刀生產，而老公亦有入產房剪臍帶。
翠翠又指：「上星期醫生話BB要自己揀時間，唔要我安排嘅時間，本來都擔心早出世唔知得唔得，但醫生話足晒月冇問題，完全冇黃疸同呼吸問題，所以都比較放心。聽到喊聲之前，仲聽到醫生話『嘩！好大隻呀』。」翠翠大爆今次懷孕完全是意料之外，可能因為之前補得太好的關係，身體健康較易受孕。
採訪：小米