現年68歲的李龍基去年被《蘋果》踢爆有長髮女摸大髀後，日前又被影到與長髮女蹺手行旺角兼送名牌袋。《蘋果》昨日致電基哥了解，他說：「我保持秘密，用一句成龍大哥嗰句，唔需要擔心。」成龍偷食金句正是：「犯咗全天下男人嘅錯！」基哥稱跟長髮女只是朋友，對於被拍到蹺手行街，基哥支吾以對：「好可能我哋親熱啲、熱情啲，佢喺美國返嚟，遲啲又返美國，冇嘢㗎，如果唔係都唔會帶佢出去食飯，見吓啲朋友。」
為何不帶太太同行？基哥吞吐說：「費事，呷醋嘛。」既然太太呷醋，為何仍不時跟長髮女約會？他卻未有正面回答，如何跟太太解釋？基哥無奈說：「唔知，慢慢諗，佢喺內地，封咗關。」會否包二奶？基哥再吞吐說：「我相信我就唔會，我唔會包二奶，放心。」
採訪：皓騫