面對武漢肺炎在港爆發危機越來越大，不滿特首林鄭月娥領導抗疫措施的聲音也越趨響亮，當中更不乏建制中人。有政界中人更指，林鄭抗疫措施不只欠前瞻性，「甚至連見步行步都唔係，只係出事後先補鑊」，更令不少政界中人不滿的是，林鄭對外間任何不符她立場的抗疫建議，均採取排斥、甚至敵視態度，「結果係乜嘢方法（抗疫）都唔啱，只有佢（林鄭）同班自己人嘅方法先最啱」。
有政界中人以林鄭昨日回應封關論為例，「佢近乎發晦氣式話𠵱家討論冇意思，即係之前討論其實係有意思，咁當時又拒絕？」之後她更指若仍要討論封關，就是要封貨、封內地返港的港人，該政界人士直言林鄭根本如同鬥氣，「係人都知大家講緊可唔可以連每日近千內地人都封埋唔畀入境，唔係講貨或返港嘅港人」。他更揶揄林鄭偽善，「如果佢咁重視香港人返香港權利，點解留喺武漢嘅香港人想返香港，林鄭又唔立即接佢哋返香港？」
建制呻連討論空間都無
有民主派笑言，連一些建制派也向他們呻，林鄭在抗疫措施上不肯聽意見，連自己人也「冇情講」，「睇吓林正財、葉劉，一講封戲院、立法規管口罩，林鄭二話不說一棍打死，完全冇討論空間」，有建制中人對他說，林正財提封戲院等娛樂場所，並非不可討論，「如果社區大爆發風險越嚟越大，戲院、卡拉OK、甚至商場停業，絕對可以考慮」，他指澳門特首賀一誠敢先於疫情發展一步停賭場，換來疫情受控，「林鄭乜都話唔得，咪叫港人陪佢一齊死」。
季陶
周一、三、五刊出