「講真，我好妒忌歐鎧淳㗎！」如果陳宇寧是第一代奧運開幕禮大頭照師姐，香港背泳「美人魚」歐鎧淳就是第二代，歐鎧淳在2016年里約奧運被冠以「東方維納斯」、「最美持旗手」之名，一夜爆紅，更成廣告商及娛樂圈新寵。
其實Elaine與淳淳有點淵源，雖然她們不同項目，亦相差四歲，但若細心留意08年北京奧運開幕禮Elaine被攝入鏡頭的相片，會發現當時只得16歲、一臉稚氣的淳淳正正在Elaine旁，她笑說：「如果我嘅奧運『大頭相』推遲10年發生，可能我會有完全唔同嘅經歷，畢竟我嗰時資訊冇16年里奧咁發達，所以我都好妒忌歐鎧淳；講番正經，唔同人有唔同性格，歐鎧淳喺各方面都得做好好，如果交畀我做，未必做到好似佢一樣好。」
Elaine其實十分佩服淳淳，能為游泳堅持這麼多年，更將第四次出戰奧運，她續稱：「佢能夠以A標第四次游奧運，真係好amazing，好佩服佢嘅堅毅，佢里奧開幕成名後其實有好多途徑畀佢發揮，可以去拍戲做明星，可以賺好多錢，但佢都係選擇游水，好欣賞佢對游水嘅熱誠。」
淳淳去年以1分00秒22的東奧A標達女子100米背泳資格，並坦言渴望游進一分鐘內，Elaine對她信心十足的說：「以佢嘅毅力，我好有信心可以突破一分鐘內，佢一向都會畀人驚喜，我會一直支持佢。」