黃秋生與名廚好友張錦祥（Ricky）拍攝的ViuTV節目《究竟食咗乜》近日播出，兩人日前在九龍灣接受訪問。秋生訪問時戴上口罩，不時咳嗽，他說：「我冇事㗎，喉嚨敏感啫。我都冇出過街，點夠膽啫！」問到有否需要撲口罩？秋生表示：「唔使，我嗰隻可以用好多次，又唔係成日出街，我一咳啲人走開晒，使乜驚！煲咗三次鱷魚肉湯，好返好多。」有否研究食材？秋生透露自己「酒精」療法抗疫，他笑說：「我一條友兩支日本清酒，飲三日，煎蘿蔔糕都食咗二十日。」
談到拍攝趣事，秋生指跟Ricky相識二十多年，今次遠赴意大利兩個星期，到訪十多個城市。秋生笑言旅程辛苦，日夜趕路，曾三天沒有洗澡，他又踢爆Ricky曾喝醉，叫他多次沒反應，笑言以為對方中風。
採訪：羅慧敏
攝影：葉君海