吳日言昨日與丈夫Barry及數名fans義務到達油尖旺區議會余德寶辦事處，向區內長者派發抗疫物資，他們先將共千個口罩分成五個一袋，再加入一支酒精噴霧，然後親自將物資送上樓給長者們。吳日言感激大家善心，她說：「好多人自發將口罩送落我舖頭，有部份出去收，盡量喺短時間收到最多口罩。」她更無奈地問：「點解香港人咁悲哀，今年新年已經冇氣氛，仲要不停排口罩，我自己喺度生活咗30幾年，香港好似變成打仗城市咁。」
對於現今香港政府，吳日言直言：「唔抱任何希望，因為單單我一人之力，兩日都籌到近千口罩，點解政府做唔到，而前線醫護都係得一個月存貨，都係自己救自己。」
採訪：馬建華
攝影：陳慧安