【本報訊】公立醫院醫護人員保護衣物告急，存貨僅能應付一個月。偏偏特首林鄭月娥心腹愛將的香港警察，多次在不同場合都被發現穿全套保護衣物，做一些與救護病人無關的工作，被斥濫用納稅人資源、搶奪醫護人員物資。
拒多謝醫護返崗位
昨日記者會上，有記者向食衞局長陳肇始查詢，會否要求警隊退回有關物資，她吞吞吐吐說：「當然衞生署都會應該對於呢啲人員，例如去佢屋企呀……等等，或者送飯呀，都會有一定嘅指引嘅，呢個我哋都會檢視。」
記者不滿陳肇始模稜兩可的答覆，追問「係咪即係唔使退呀？你未答呀？」她答道：「其實醫管局一向都係自己去訂自己嘅保護衣物，當然政府𠵱家，尤其全球對於保護衣物嘅短缺嘅情況底下，我哋將採購到嘅一啲嘅保護衣物，其實我諗係畀我哋嘅醫護人員一定係優先嘅，呢個係一定係最高嘅優次嚟。」
數千名公院醫護人員上周罷工，成功逼使政府進一步封閉多個口岸，並實施內地入境人士強制檢疫，加強對港人的保護。罷工醫護近日已重返崗位，由林鄭月娥至陳肇始等高官一直拒絕感謝他們。陳昨日再被追問此事，她依然形容罷工明志的醫護人員為「缺勤」，她說：「公立醫院過去一星期有幾千名人員缺勤，醫管局亦都多次講咗好多服務，甚至乎有啲緊急服務受到影響，亦都欣喜知道佢哋已經返回工作崗位，我哋感謝一切緊守崗位嘅醫護人員，一直為市民服務盡心盡力。
警方則回應稱，警隊已制訂一套應付疫情的工作指引，確保有足夠個人保護物品供人員使用，以配合衞生署衞生防護中心作出的指引及建議，並作出適當的應變措施。