醫護淚崩結束罷工，一位戴住自己私伙口罩痛哭的護士說：「我們失敗了，迫唔到政府全面封關，我們救不到香港市民。」向記者透露，會主動加入dirty team跟同事齊上齊落。
醫護回去打仗，林奠只稱「樂見」，退休公僕老海鮮還說無可能冇後果，必須懲罰罷工的年輕醫護。我們懂了，李文亮醫生的慘劇在香港出現的話，老海鮮慷他人條命之慨說：「抵佢死，唔出聲就乜事都冇。吹哨？佢以為唔使付出代價咩？」2003年六位醫護犧牲小我，當年的既得利益者做社福的林鄭今日活出大我，以怨報德訓斥醫護，「你們係唔會得逞！」送中撻Q冇咗耳仔的林奠今日換埋個武肺，醫護僅夠一個月用的裝備，在這個星期政府兒戲的檢疫隔離措施下，消耗得必然更快！大批CSI口罩被送去機場客運大樓（林奠說入境人次大跌喎）遭揭發後政府聲稱，是給機場員工享用的大話，只會愈講愈近四點鐘！香港人自救，聽馬交誠哥話，無事的話（隔鄰公屋又被徵用做無掩雞籠，而負責鎮守檢疫中心門閘的，不是忠誠勇毅繼續放TG拉你個仔的黑警，而係你個童軍領袖老公，有事定無事？自行界定）冇出街！冇出街！冇出街！市民減低感染機會就是減輕醫護壓力，醫民同心，請林奠慳啲使，賴咗屎，自己食返。諗住情人節送廁紙的林兆波，搶到一卷都放低。