三級片《有罪》女主角、祖籍湖北的王家淇，於農曆新年時由深圳返鄉探親，但湖北深受武漢肺炎肆虐，令她滯留恩施。不過，王家淇的姪女原來是武漢的前線醫護人員，她日前在社交網留言為姪女打氣：「致一線奮戰的姪女，你是我們的驕傲，辛苦了。」王家淇又貼出姪女在醫院情況相片，醫護人員都瞓在地上。
王家淇昨接受《蘋果》訪問中說：「姪女係武漢醫院嘅護士，從1月10號到今日，佢日日都一直喺前線工作，真係好辛苦，但佢話睇到病人仲辛苦，醫院床位都唔够，每日返工基本上好忙，食飯同休息時間都唔够。」問到物資夠嗎？王家淇說：「姪女話鎮政府同各界好人捐助醫護人員，每日按人分配食物同用品，希望疫情快啲過去。」
採訪：楊定