三位「直男」各有另一半，問到太太或女友對自己演同志角色有何想法時，張錦程指以前女友會擔心：「嗰時拍港台劇演同性戀者，佢真係驚我轉向。我未結婚前，試過有段長時間冇拍拖，我媽就擔心，我仲玩我阿媽，係咁又點呢？」不過張錦程於2004年與同是演員的張廷結婚，二人婚後育有一女。
這話題轉到游學修身上，他坦言：「我媽冇乜壓力，仔大仔世界，我仲有個細佬頂。」當提到現時女友曾樂彤有何看法？在旁的張錦程和劉俊謙即起哄說：「睇佢笑得幾sweet。」游學修即轉移視線對劉俊謙說：「我啲過咗去，聽講你哋齊齊攞獎喎，恭喜晒！」指劉俊謙與女友蔡思韵因拍《幻愛》戲假情真，兼情侶檔奪得香港電影評論學會最佳男、女演員獎。游學修再七情上面說：「但係你哋戲假情真，你有前科喎，佢驚唔驚你呢套都戲假情真呀？」劉俊謙不遑多讓說：「咁就要問吓你啦。」事關當年游學修與前女友蘇麗珊合作電影《哪一天我們會飛》撻着，被觸及死穴，游學修才說︰「我戒咗啦！」張錦程取笑他說︰「你係戒咗戲假情真？咁你仲做戲嚟做乜。」三人在戲外的真性情，不約而同發揮其喜劇細胞，充滿歡笑聲。