財政司長陳茂波昨預警香港受武漢肺炎疫情打擊下，經濟情況可能較2003年沙士時更差。有政界及專業界人士對季陶稱，陳的說法絕非危言聳聽，全因特首林鄭月娥已再無公信力領導港人應對危機，其次林鄭只懂一招救經濟，就是「請求中央打救」，但今次疫情對中國經濟也造成沉重打擊，「連救自己經濟都有困難，仲點救香港？」更有人預期今次疫情大有可能成為中國經濟由盛轉衰的轉捩點。
習恐失勢 難談中國夢
有曾經歷2003年沙士的專業界人士指，當年香港經濟受打擊，但當年中國疫情並不如今次嚴重，更重要是當年中國經濟仍在上行軌道，「沙士影響好快過，仲可以應香港政府要求推出自由行，幫旅遊同零售市道翻生」，但今次中國疫情較香港嚴峻，全國停工停市封城，「𠵱家北京好想盡快恢復生產，就係怕經濟一沉不起」。這情況下即使林鄭想向中央求救，「北京根本冇能力救，分分鐘要香港貢獻番中國」。
有政界中人對前景更悲觀，指今次疫情完全暴露中國長期隱藏的種種社會及政治問題，「走咗嘅外資未必再返去，未走嘅會加快，怕且經過今次武漢肺炎，冇乜外資甚至港資會敢去大灣區，中港經濟隨時斷崖式下跌」，甚至有人預言疫情或成為中國由盛轉衰的轉捩點，「疫症即使過去，中國喺政經方面都元氣大傷，怕且唔可能再講乜嘢中國夢，習近平仲坐唔坐得穩個位都成問題」。
季陶
周一、三、五刊出