香港特區政府面對武漢肺炎疫情，只肯作局部封關，但有市民誤信封關影響貨品入口，引發各區出現「盲搶潮」，市民瘋狂搶購廁紙、食米等。近日傳出一段疑似楊怡胞姊楊卓娜的錄音，當中聲稱廁紙將缺貨，「呼籲」盡快入貨，被指是引發搶購源頭之一。昨日向楊卓娜求證時，她承認有向劇組提醒要買廁紙，但強調只是溫馨提示，沒叫人囤貨。
現年42歲的無綫藝人楊卓娜近日被指散佈「廁紙荒」的謠言，有圈中人爆料，在藝人群組收到一段疑似楊卓娜的錄音，當中有人聲稱：「我哋頭先去買紙巾，因為老公個客話畀我哋知，佢係做運輸嘅，佢話物流可能因為封關有啲停滯，短期內冇紙巾，尤其係卷裝紙巾，你哋考慮吓使唔使買少少，如果冇真係買少少，但唔使好恐慌嘅。」
「短期冇維達」
錄音中該女子續說：「原來啲紙巾廠喺武漢，尤其係維達，生產唔到，咁供應就會有問題，淨係可以話短期內冇維達，咁你諗吓其他嗰啲你買唔買，如果買咪唔使驚，另一個可能，其他嗰啲會唔會俾人搶，或者會唔會搶高價好難講，我都好難講，所以如果有需要就買啦。」
對於該段錄音，楊卓娜昨日回覆傳媒時承認：「我有喺劇組提大家，有需要買少少，但冇叫大家囤貨，我都係收到消息，所以買咗兩三條，因為屋企人多。」楊卓娜指當時眾人在群組中互相傾談疫情問題，有同事提出在百貨公司買不到廁紙，而她亦剛巧在超市內搜購，發現西貢已沒有廁紙賣，因此才提醒大家。楊卓娜再三叫大家不要恐慌，只需買足夠的用量就可以，她又指自己未有去搶購食米。至於聲帶被人流出，楊卓娜表示：「我只係好心提醒相熟同事，如果屋企有需要就買啲，唔使恐慌，佢哋攞咗嚟做新聞都冇辦法，我只係出自好心提醒身邊朋友。其實我已經知道邊個群組發出去，始終大家都係同事，唔想惹起不必要是非，唔想傷害大家感情，我唔係介意聲帶流出去，我清楚自己講過乜內容，冇傷害性。雖然大家可能誤會我，但總會忘記。」
楊怡護家姐
其實，楊卓娜曾為維達廁紙宣傳，而上周傳出廁紙將暫停生產的消息後，紙巾生產商維達國際（3331）股價一度升逾7%，市值增至16.7億元，之後股價高位回落，維達發言人其後澄清完全沒有停廠安排。對於被指幫代言品牌宣傳，楊卓娜否認：「梗係唔係啦，我收到消息佢哋停廠，所以買返自己用開嘅牌子，係宣傳都唔喺自己群組宣傳啦，係都出去同人宣傳啦，好好笑。唔存在我幫品牌做宣傳，唔存在我製造謠言。」而其胞妹楊怡昨回覆《蘋果》時表示：「新年快樂，係咩？我唔清楚噃，應該就唔會，我估係因為疫症，佢好心叫人買定啲日用品同食物，唔好出街出得太頻密箒。」
採訪：皓騫
