駱胤鳴在2009年參加節目《超級巨聲》入行，2014年與胞姊駱胤樺組成SIS樂印姊妹闖樂壇，不過駱胤鳴慨嘆無綫音樂節目買少見少，歌手根本沒機會及渠道宣傳歌曲：「TVB有音樂節目，全部夜晚播，啲名係咁改，播出時間又係咁改，觀眾未必知。我都有上過呢啲節目，𠵱家變埋訪談，傾音樂唔會好得過表演音樂。」
駱胤鳴早前跟家姐製作新歌《甚麼都可》，其間聽過不少負面聲音，但她卻說：「正如首歌嘅內容，其實只要勇往直前就乜都可以，唔做先會後悔，我哋同大家面對嘅情況一樣，好多嘢好無助又改變唔到，但如果唔做唔企出嚟，可能以後都企唔到出嚟。」她坦言日日都有退出念頭，但發現只要鍾意唱歌又何需顧慮太多。