黃澤鋒的太太陳麗麗去年高齡誕下囡囡「小黃妃」黃熙恩，二人錫到囡囡燶。昨日陳麗麗53歲牛一，她接受《蘋果》電話訪問說：「我今年返娘家，同我爸爸、妹妹一齊過，我好多年冇慶祝生日，適逢小黃妃今日就滿七個月，同佢一齊切蛋糕開心吓。」陳麗麗前日在fb貼出囡囡數花膠照片，她說：「見到幾靚買定做存貨啫，𠵱家仲餵緊人奶，未食得。」