【財經專題】本港武漢肺炎確診數字持續增加，市民減少外出，的士業大受打擊，農曆新年假期前後，每日營業額較平日大跌五成，為共渡時艱，部份車行和車主已下調租金約四分一，甚至在個別日子全日免租。有商會代表慨嘆情況比2003年沙士更差，目前約一成司機因生意太難做及疫情嚴峻，決定休假甚至棄租。
以往人人爭的士的情況已180度逆轉，以中環機鐵站外為例，記者周中下午觀察，現場有逾廿架的士排隊，車主兼日更司機John形容，「平時唔會排到咁長㗎，龍尾就最多紅綠燈嘅箒。」John透露，近日情況是他1986年入行以來最惡劣，「以前每日做到1,200蚊左右，反送中嗰期最多都係阻路，我哋可以兜路，每日都係搵少一百幾十。現時根本係冇人出嚟，大概都跌咗五成生意。」
車主及車行紛減租25%
司機阿喜亦稱，1975年開的士至今幾十年，以今個農曆年街道最冷清。市況差，車主和車行紛紛減租約25%，以往每更租金約為380至480元左右，阿喜慨嘆，「由2月1日開始，我個車租減咗100蚊，現時每更300幾蚊。不過最近油價又貴返，補返數個成本又係差唔多。」每日平均賺少400、500元，有時連租金也不夠付，他說：「嚟緊一個月都係揸幾日就算。」
香港的士公共小巴商總會理事長周國強透露，不少車行知道前線司機辛苦，由本月1日起每更減租70至100元，惜無助挽回士氣：「就算減咗租，司機都係拎得300幾蚊返屋企」，他形容今次打擊比2003年沙士一役更深。他指出，目前全港約一成的士司機已申請休假或停工，部份因家人勸喻、避免公共接觸；亦有一些因生意不佳，心灰意冷。
另一邊廂，慈雲山一間車行上月31日起早更和夜分別津貼50元和70元，本月2日甚至寬免全日租金，負責人譚先生坦言，每日幾十元只夠「食餐飯」，現時每日都有司機退車，又不能將的士租出，「擺喺街度等抄牌。」
的士牌價方面，據香港的士交易所資料顯示，市區的士牌價目前約511萬元，新界的士則約456萬元，比去年3月高位分別跌約9%及10%。周國強表示，近日的士買賣幾近停滯，因此牌價「望落無變化」，但相信未來3至6個月，投資者及車主或會出現斷供問題。
記者︰鍾榮傑 樊栩瑩
