【本報訊】為堵截武漢肺炎病毒擴散，今日凌晨起所有從內地來港人士，包括香港居民及外地旅客，均需接受14天強制檢疫，惟新措施豁免跨境運輸的中港司機。有現任中港司機要求政府加強關口的防疫措施，以免司機成為病毒的運輸鏈，「盡量都唔落車啦，可以嘅話，小便都喺車入面解決，避免同其他人接觸」。
香港陸路客貨運輸業議會主席蔣志偉要求政府加強口岸的檢疫如量度體溫等，「唔好令人覺得前線司機就係帶病毒落嚟」。
「同人交談都隔遠啲」
主要往返廣州及香港的中港司機黃先生每日平均工作13小時，作為一家四口家庭支柱的他坦言，面對疫症仍要繼續工作，惟有自備口罩、濕紙巾及「帶定多啲乾糧，盡量都唔落車啦，可以嘅話，小便都喺車入面解決，盡量避免同其他人接觸」。他續指，即使自己做好防疫工作，亦難免他人戴有色眼鏡看自己，「自己都唔敢同其他人講喺內地返嚟」，更有同工「唔敢同太太一齊瞓」。他認為政府應在口岸派發口罩、護目鏡及防護衣予中港司機，保障他們的健康。
另一位中港司機陳先生亦要求政府在口岸派發口罩。他指雖然擔心內地的疫情，但「手停口停」，惟有做好個人衞生，「同人交談都隔遠啲」。
■記者何嘉瑤