【本報訊】繼粉嶺暉明邨、美孚翠雅山房計劃作隔離營而遭居民強烈反對後，政府再擬選用鄰近民居的地方作檢疫中心。早前政府公佈會將西貢戶外康樂中心作新的檢疫中心，並與另外三個現有檢疫中心以組合屋形式合共增加約300個單位。然而，西貢戶外康樂中心營地鄰近民居，與最近屋苑不足300米路程，有居民擔憂若防疫措施不足時，或進一步加劇社區傳播風險。
附近587伙出入必經路
將作隔離營的西貢戶外康樂中心出入口位於康健路，鄰近民居，包括與中心只有不足300米距離的逸瓏海匯、不足500米距離的公屋屋邨對面海邨、約600米的萬宜漁村、官門漁村、翠塘花園等，單以逸瓏海匯及對面海邨計算，便已有587個單位。
記者由西貢戶外康樂中心步行至對面海邨，路程僅三分鐘，沿路一帶居所只有一條康健路進出。住戶郭小姐表示對面海邨較多長者居住，「如果真係有帶菌者入咗去（隔離營），而又唔記得戴口罩打乞嚏，又唔知風向吹邊邊，如果咁啱有老人家經過，或者有人喺出面個小巴站落車，真係咁唔小心感染咗，就可能會一路發開去」。
西貢區區議員梁衍忻指西貢區已有兩個隔離營，但位置偏遠故沒居民反對。當得悉西貢戶外康樂中心會用作隔離營時，梁曾向食衞局查詢隔離安排、醫療廢物及排污系統處理等，惟不獲回應，「居民都係擔心呢個位置距離民居好近，會擔心隔離得唔好，如果有人唔合作私下逃走，好容易就會社區散播」，她指資訊不透明亦引起居民反感，「我哋區議員得到嘅資訊其實同街坊一樣」。
食物及衞生局副局長徐德義出席記者會時，被問及該營詳情、如何回應反對聲音時，徐僅重申進入隔離營人士是沒症狀的密切接觸者，「入去嘅過程係有專人用專車送佢去，如果需要出嚟係有專車送去其他地方」，又稱有24小時執法人員及醫護人員看守，如沒有特別許可證不容探訪。徐續指，選址時會視乎一籃子因素，但沒有回應該處會興建多少臨時單位，僅稱仍在規劃。
■記者李雨夢
