姚子羚昨日到商台宣傳劇集，在疫情肆虐下，她表示近日不用工作，可以留在家中煲劇。提到劇集將於下周五播出大結局，她表示未知會否相約同劇演員一起聚餐收看，她說：「要睇下輝哥（張兆輝）得唔得閒，可能要陪老婆，洪永城同蕭正楠都未必得閒，個個成雙成對，唔好搞人，我陪隻狗都得。」她自言也減少了約會，被問到可會錯失機會約男仔？她說：「呢啲遲啲先講，近日非常時期，大家點出嚟，冇理由約人哋返屋企睇劇。」
姚子羚指剛拍完兩部劇，近日都是休息，但因疫情不會出街，朋友約旅行也推辭，她說：「噚日有朋友約我去馬爾代夫，但要做嘢冇去。朋友婚禮都延期，但係傳統禮節就要做。」
採訪：王連連
攝影：仇志德