江華和麥潔文的兒子陳耀淙（Bryan）是內科（胸肺科/呼吸科）護士，昨日有報道指Bryan自願去隔離病房照顧病人，但為免傳染給家人，他收工返家沒有與父母正面接觸，抵家後第一時間先去沖涼，之後在自己房間自我隔離，同時亦不允許家人入自己的房間，而江華和麥潔文亦相當配合，更支持兒子的決定，以他為榮。
表態鬧政府
對於兒子今次決定，江華昨日回覆《蘋果》時說：「佢有同我講過想入隔離病房一事，我會以佢為榮！我哋確實係同佢少咗接觸，不過冇任何影響，因為我哋都明白呢個係必須要面對嘅事，因為佢嘅工作，就係要去幫人、救人。如果佢呢個時候只係呆坐喺屋企，對我嚟講先係最大嘅的痛心。」而麥潔文亦表示不擔心兒子目前的工作情況。
日前有醫護人員展開罷工行動，促請港府回應封關訴求，從源頭堵截，而Bryan早前曾在Ig Story表示接到醫管局多個聯網向員工發信，表明不贊成及不同意在辦公時間內進行罷工行動，又指員工必須按照香港法律行事，但他之後出post表態鬧爆政府：「早幾日喺病房，電話報完病情，有幾個家屬到我臨收線嘅時候，都話支持我哋罷工，其實好心酸好想喊，因乜事香港要搞到咁？自己屋企人喺醫院就死，都仲要支持醫護罷工？香港人到底做錯咗乜嘢，要承受呢啲痛苦，一於罷佢老母。」
冇黃藍之分
自武漢肺炎在港爆發，早前有消息指有公立醫院的醫護人員抽「生死籤」，進入「Dirty team（抗疫隊伍）」照顧確診病人，不過亦有醫護人員自願加入。事實上Bryan一直認為人沒有黃藍之分，8.31當日他在太子站附近救人也救警，甚至在不少遊行集會上擔任救護職責，盡其責任救急扶危。
採訪：唐琛悠