隔牆有耳:「先抗疫」陳同佳自首再拖 - 李八方

隔牆有耳:「先抗疫」陳同佳自首再拖 - 李八方

涉嫌喺台灣殺害女友潘曉穎嘅陳同佳,舊年10月出獄後,曾經喺聖公會教省秘書長管浩鳴牧師陪同下,公開承諾會去台灣自首,但一直得個講字,聖誕、新年、農曆年過埋,台灣大選都選完,仲係自首無期。

記者噚日就問管牧,台灣決定收緊中港澳人士入境限制,由今日起港人去台灣就要隔離14天,會唔會影響陳同佳自首意願?管浩鳴回應話:「我相信港台兩地都將抵抗疫症放首位,一切都等疫症有所紓緩後再解決。」咁即係陳同佳去台自首仍然是未知數,拖吓拖吓都唔知幾時先肯去。不過算啦,大家似乎關心佢係唔係仲住差人安排嘅安全屋京士栢豪宅多啲。