【本報訊】衞生防護中心本月4日晚公佈正在接受14天家居檢疫人士所住的大廈名單，至今增至超過100幢。有居於首批接受檢疫大廈的住戶狠批，衞生署無將此重要資訊立即通知住戶及管理處，「如果我一早知，新年根本就唔會叫人嚟拜年！出入亦會更小心！仲有兩日就隔離完先嚟公佈，有咩用？有冇咁荒謬？」
衞生防護中心早前稱，14日內曾到訪湖北的香港居民，必須戴上電子手環強制家居檢疫，但中心延至本月4日才公佈首批大廈名單，涉及24幢大廈；首批大廈檢疫最後日期昨日屆滿，即推算相關人士約於上月24日、年三十已開始家居檢疫。
寫錯屋苑名
屬首批開始檢疫的大角嘴浪澄灣，住戶Annie向本報透露，前日網上看到家居檢疫大廈名單，始知道所住的浪澄灣一座榜上有名，「佢中文寫咗浪祥灣，但根本冇呢個屋苑，得浪澄灣，再睇吓大廈英文名先啱」。
Annie稱最不滿是整個屋苑住戶、管理處、業委會及該區區議員均對大廈有家居檢疫人士毫不知情，但推斷開始檢疫日期為上月24日、年三十當天，「你話隔離，但如果當事人偷偷出街？又或者佢冇出街，都有家人會出出入入探佢，住戶有機會喺升降機接觸到」，坦言「如果我一早知，新年根本唔會叫人嚟拜年！仲有兩日就隔離完先嚟公佈，有冇咁荒謬？」
同樣榜上有名的荔枝角曼克頓山，住戶亦指昨日管理處貼出通告，才知屋苑第三座有住戶要家居隔離，隔離期更已於昨日屆滿，質疑衞生署沒主動通知管理公司。據了解，有關家居隔離本月初實施，由於該批由湖北返港人士已回港多日，因此距離隔離期只有數天，而衞生署有通知民政署知會相關大廈。
■記者鍾雅宜