黎芷珊、才子陶傑及張寶華等早前乘搭郵輪鑽石公主號旅遊，而日本昨日發現該郵輪有10名乘客確診武漢肺炎，黎芷珊昨回覆傳媒時表示：「暫時我冇唔舒服，我比較擔心船上乘客，自己仍會繼續隔離。」而陶傑表示：「我正式聯絡過衞生署，根據核對資料，判斷我唔係高危接觸人士，即係唔需要自我隔離，不過希望我喺14日內避免去多人地方，同埋出街要戴口罩，謹慎起見，應該要一個月直至2月24日。」陶傑又透露在船上未有見過患者及其女兒，亦沒用過船上的泳池和桑拿：「今日係第10日，我冇任何不適。」
另外，張寶華昨在《蘋果》「娛講Video Talk」網上節目時表示也聯絡過衞生署，指她沒有接觸過病患者，無需要隔離，她說：「只係政府無能，令恐慌情緒都好大，我冇任何病徵，不過都自我隔離，令到人哋驚就無謂。」
採訪：皓騫