【爆相爆片】許志安去年被爆安心偷食，公開道歉認錯後獲老婆鄭秀文原諒，經歷時間洗禮，兩夫婦走出陰霾，雖然黃心穎返港了，但安心已各走各路；惟日前有讀者透過「爆相爆片」，表示在跑馬地見到安仔跟一名神秘女同行，讀者更強調戴cap帽的女仔好後生：「肯定唔係鄭秀文！」還指除非現年47歲的鄭秀文回春！
讀者黃先生接受電話訪問表示：「嗰日晏晝4點，喺跑馬地見到安仔同一個女仔，佢哋好急咁落車，入咗一間中藥舖，逗留咗好耐，之後去咗對面茶餐廳。」
掃背又蹺手
黃先生續說：「我見到佢哋蹺手，安仔仲向女仔掃背，好親暱，呢個女仔肯定唔係鄭秀文，好後生，除非食咗藥回春，分分鐘後生過黃心穎。」不過，讀者提供的短片，卻影不到蹺手掃背畫面，他解釋因為被前面架車遮擋。
短片中的神秘女戴了cap帽和口罩遮樣，而且距離又遠，面貌看不清楚，不過，記者對比鄭秀文在社交網的貼相，發現髮色、電話殼的顏色都有雷同，最重要的是，安仔和神秘女最後同上七人車離去，而這架七人車是屬於鄭秀文的，加上神秘女的動靜，有八成似是鄭秀文。而當晚鄭秀文又在Ig限時動態，貼了金銀花涼茶相，留言：「偶爾會煲金銀花喝但不會加糖」，相信當日她和安仔是去中藥舖買金銀花。
撰文︰祖李