楊受成姪女、陳冠希舊愛楊永晴（Vincy）去年11月底在香港入紙申請註冊結婚，未婚夫是現年33歲、任職投資總監的黃千和（Justin），一對準新人將會於後日在中環四季酒店舉行婚禮，新娘子爸爸楊超成也大讚未來女婿好好，好錫他的女兒，不過之前一對內地夫婦入住四季酒店，其後確診患上武漢肺炎，疫情下，令婚宴多了變數。《蘋果》昨日致電楊超成，他表示：「Cocktails取消了，佢哋註冊之前已經搞咗，我開緊會，唔方便講太多。」再追問婚宴環節會否繼續，他表示：「我囡囡比較低調，都唔想宣揚出去，只可以講cocktails取消了，其他婚宴環節就唔方便講，真係唔好意思。」
兩次婚前派對
Vincy畢業於美國波士頓大學，十分低調，2006年與陳冠希拍拖，其間陳冠希經歷了不雅照片風波，Vincy對他不離不棄，但二人在2011年分手，五年情告終。Vincy的閨密、全國政協副主席霍英東孫女霍詠詩，之前已為好姊妹在上海搞婚前派對，去年12月再在香港搞一次，當時出席的有嚴紀雯和石佩藍等人。
倪晨曦睇定啲
另一位計劃今個月26日在港註冊結婚的倪晨曦，也有指考慮延期，倪晨曦昨日回覆《蘋果》時說：「其實真係未落實係咪延期，只係有考慮過呢個可能性，人流聚集始終都唔係咁好，但始終婚禮改期，真係要考慮好多嘢，呢幾日會密切同未婚夫屋企人同埋自己屋企人溝通，了解佢哋嘅意願，當然大家嘅健康最重要，希望過一個星期，因應疫情嘅情況，再盡量作出最妥善安排。」不過準新娘原本去巴黎時裝周的工作，因疫情已取消，試業中的Yoga Studio，開張日期都延遲，還未定到確實開張日期。
採訪：唐如