香港人之前從沒有想過，這個農曆年假期不是要擔心反送中抗爭升級，而是重演2003年沙士一幕，全城投入對抗武漢肺炎行動。有政界中人對季陶說，公眾對特首林鄭月娥的不滿，已由反送中擴展至政府抗疫不力，特別是林鄭拒絕封關，「佢嘅態度連一啲保守、甚至淺藍嘅人都激嬲埋」，有人更預計，林鄭大有可能繼反送中後，再掀起另一場完美風暴，「今次更隨時會直接打擊中共」。
勢掀政治風暴
該政界中人稱，林鄭抗疫的態度，就如處理逃犯條例時一樣，「完全覺得自己啱晒，唔同意佢做法就係搞對抗、反政府、有政治目的」。大年初一她召開抗疫記者會，該政界中人正回老家向長輩拜年，席間不少長輩均是淺藍甚至深藍，眾人看着電視，當林鄭批評封關建議，一名淺藍長輩立即大罵，「佢大大聲X完，話咁多醫生叫封關、大陸咁多省市唔畀武漢人入、甚至唔畀任何其他省人入，係得你林鄭一個咁叻覺得唔使咁做！你咪即係送香港人去死」。之後一眾親友紛紛加入聲討林鄭。該政界中人指，林鄭不會明白，「去到生死關頭、去到人命問題，冇黃藍之分，只有矛頭一致指向政府」。
另一政界中人更指，林鄭最初拒絕封關，之後在各方壓力下，不情不願拋出一個局部封關措施，但根本無法全面阻止內地患者來港，反而觸發全城搶口罩：「同當日喺市民上街壓力下，被迫暫緩送中惡法冇分別，明顯佢條氣根本唔順，但又要做嘢，不過死都唔肯跟民意做，係要證明自己冇錯」。
一些建制派人士也對他大罵林鄭，指醫護界工會日前通過罷工決議，加上已有國家開始禁港人入境，若林鄭繼續企硬，勢必繼反送中後再掀起另一場政治風暴：「所有嘢加埋，今次如果再爆另一場抗爭，規模隨時比反送中大，甚至跨越黃藍陣營，對香港經濟打擊更大之餘，對正受疫情打擊嘅北京，亦會做成經濟衝擊」，最終中港經濟齊齊「攬炒」，「咁樣如果習近平仲攬林鄭，同自殺冇分別」。
季陶
周一、三、五刊出